Boyukmillet.com Biz yanmasaq vətən yanar
Dünyada hər ay 500-800 nəfər mina qurbanı olur.
Boyukmillet.com xəbər verir ki, bunu Milli Məclisin Müdafiə, təhlükəsizlik və korrupsiya ilə mübarizə komitəsinin bu gün keçirilən iclasında komitə sədri Arzu Nağıyev deyib.
O qeyd edib ki, mina qurbanlarının üçdə biri uşaqlardır:
“Humanitar minatəmizləmə əməliyyatları müharibə başa çatdıqdan sonra həyata keçirilir. Azərbaycan dünyada minalarla çirklənən ölkələr sırasında ilk sıradadır. Ölkənin ümumi ərazisinin 12-i faizi minalarla ciddi şəkildə çirkləndirilib.
İndiyə qədər 3 min 400-dən çox Azərbaycan vətəndaşı minadan əziyyət çəkib. Onların 270-dən çoxu bu faciə səbəbindən həyatını itirib. Mina qurbanlarının 358-i uşaqlar, 38-i qadınlardır”.
Komitə sədri əlavə edib ki, “Minatəmizləmə fəaliyyəti haqqında” yeni hazırlanan qanun layihəsi dövlət siyasətinin müəyyən olunmasında ciddi əhəmiyyət daşıyır.
