Boyukmillet.com Biz yanmasaq vətən yanar
Azərbaycan taekvondoçuları Türkiyənin Antalya şəhərindəki klublararası Avropa çempionatında daha 3 medal qazanıb. “Report”un Azərbaycan Taekovondo Federasiyasının rəsmi saytına istinadən verdiyi məlumata görə, üçüncü yarış günündə 2 qızıl, 1 gümüş medal əldə olunub.
“Gilan” klubunun üzvləri Fizam Mehtiyev (58 kq) və Ayxan Tağızadə (68 kq) fəxri kürsünün ən yüksək pilləsinə yüksəliblər. “Azəri” klubunun nümayəndəsi, 54 kq çəki dərəcəsində döyüşən Mikayıl Əliyev isə yalnız həlledici qarşılaşmada məğlub olaraq yarışı gümüş medalla başa vurub.
Qeyd edək ki, çempionatın ilk 2 gününda Azərbaycan idmançıları ümumilikə 6 qızıl, 7 gümüş və 9 bürünc medal qazanıblar.
