Boyukmillet.com Biz yanmasaq vətən yanar
Ermənistan Xarici Işlər naziri Zohrab Mnatsakanyan türk həmkarı Mövlud Çavuşoğlunun ATƏT-in Minsk qrupunun həmsədrləri ilə görüşündə Dağlıq Qarabağ münaqişəsi haqda səsləndirdiyi fikirlərə münasibət bildirib.
O, bu barədə özünün Tvitter hesabında yazıb.
“Mövlud Çavuşoğlunun həmsədrlərə verdiyi tövsiyə “Luka 4.23”-ü, “Həkim. özünüzü sağaldın” ifadəsini xatırladır”, – Mnatsakanyan qeyd edib.
Xatırladaq ki, Mövlud Çavuşoğlu Ankarada ATƏT-in Minsk qrupunun həmsədrləri ilə görüşüb. Görüşdən sonra açıqlama verən türk nazir “Minsk qrupu Qarabağ məsələsinin həlli üçün daha fəal işləməyə davam etməlidir. Bu qərar Azərbaycanın ərazi bütövlüyü çərçivəsində olmalıdır” açıqlamasını verib.
Çavuşoğlunun fikirləri Ermənistanda etirazlara səbəb olub, eyni zamanda Prezident Rəcəb Tayyib Ərdoğanın rusiyalı həmkarı Vladimir Putinlə Qarabağın Azərbaycan qaytarılması üçün danışıqlara başladığı iddiasının yayılmasına yol açıb.
