Azərbaycan pandemiya ilə bağlı ən təhlükəsiz ölkələr siyahısına daxil edilib

“Deep Knowledge Group” təşkilatı koronavirusla bağlı vəziyyət baxımından dünyanın ən təhlükəsiz ölkələrinin siyahısını hazırlayıb.

Boyukmillet.com xəbər verir ki, təşkilatın apardığı araşdırma 100 ölkəni əhatə edib.

Azərbaycan siyahıda 59-cu yeri tutub.

Qonşu ölkələrdən Türkiyə 36-cı, Gürcüstan 40-cı, Rusiya 45-ci, Ermənistan isə 73-cü sırada qərarlaşıb.

Ən təhlükəsiz beş ölkə kimi Almaniya, Yeni Zelandiya, Cənubi Koreya, İsveçrə, Yaponiya göstərilib.

Koronavirusun yayılması baxımından ən çətin vəziyyət Somalilend, Cənubi Sudan, Əfqanıstan və Malidədir. 

Araşdırma müəllifləri bildiriblər ki, reytinq bir sıra tibbi, iqtisadi və siyasi aspektlər nəzərə alınaraq tərtib edilib.