Bərzani Azərbaycanda 11 ev, bir ticarət mərkəzi aldı

İraq Kürd Muxtariyyətinin lideri Məsud Bərzani Güney Azərbaycanın Urmiya şəhərində daşınmaz əmlak alıb.

Boyukmillet.com Axar.az-a istinadən xəbər verir ki, bu barədə Qərbi Azərbaycan əyalətinin yerli mətbuatı məlumat yayıb. Onun Urmiyada 11 ev, 1 böyük ticarət mərkəzi və 1 otel-restoran aldığı bildirilib. Daşınmaz əmlakın başqa bir şəxsin adına alındığı vurğulanıb.

Bəzi mənbələr isə kürd lider tərəfindən alınan evlərdə silah-sursat saxlanıldığını bildirir.

Qeyd edək ki, kürd terror qruplaşmaları və radikal kürd qüvvələrinin Güney Azərbaycanın qərb bölgəsinə ərazi iddiaları var.