Cəfər Cabbarlının yaradıcılığına həsr edilmiş müsabiqə keçirilib

Yasamal rayonu Niyazi adına 22 nömrəli musiqi məktəbində Cəfər Cabbarlının yaradıcılığına həsr edilmiş bədii qiraət və dram müsabiqəsi keçirilib. SİA-nın məlumatına görə, C.Cabbarlının ev-muzeyinin direktoru Qəmər Seyfəddinqızı tədbirin əhəmiyyətindən danışıb. Bildirib ki, “Cəfər Cabbarlı adına mədəniyyət, elm və təhsilin inkişafına yardım” İctimai Birliyinin “Müasir cəmiyyətdə milli-mənəvi dəyərlərin qorunması, maarifçiliyin inkişaf etdirilməsi. Azərbaycanın klassik və müasir ədəbiyyat xadimlərinin yaradıcılığının təbliği” layihəsi çərçivəsində keçirilən müsabiqə məktəblilərin ədəbi-bədii səviyyəsinin yüksəlməsinə kömək etmək məqsədi daşıyır.

 

Şagirdlər arasında keçirilən bədii qiraət və dram müsabiqəsində yaşından asılı olmayaraq həm aşağı, həm də yuxarı sinif şagirdləri, həmçinin müxtəlif dillərdə təhsil alan məktəblilər iştirak edirlər.