Boyukmillet.com Biz yanmasaq vətən yanar
“İqbal Məmmədovun Lerik və lerikliləri ali qanunverici orqanda təmsil etmək üçün mənəvi haqqı yoxdur”.
boyukmillet.com xəbər verir ki, bu açıqlama ilə əslən Lerikdən olan gənc fəal, İslahatçı Gənclər İctimai Birliyinin sədri Fərid Şahbazlı çıxış edıb.
F.Şahbazlı bildirib ki, İqbal Məmmədov parlamentə ilk deputat seçildiyi zamanlarda əslən Lerikdən olan bir gənc olaraq rayonun maraqları naminə ona təmənnasız ilk dəstək verənlərdən olub: “Düşünmüşəm ki, Lerikdən nəyahət ki, nisbətən gənc bir insan millət vəkili seçilib və ona rayonu layiqincə təmsil edə bilməsi üçün dəstək vermək lazımdır. Lakin təəssüf ki, İqbal Məmmədov mandat daşdığı 9 il müddətində yalnız biznesi, adam döyməsi, vətəndaşların torpaq və əmlakını əlindən alması, biabırçı borc qalmaqalı və digər qalmaqallı və utandırıcı hadisələrlə yadda qaldı. Bu fəaliyyəti ilə həm Lerikin, həm üzvü olduğu Milli Məclisin, həm də təmsil etdiyi partiyanın etimadını doğrultmadı. Baş verən son hadisə isə ümumiyyətlə “qırmızı xətt”İn keçilməsi idi. Vergidən yayınma, dövlət nümayəndələrinə qarşı zorakılıq yolverilməzdir. Düşünürəm ki, İqbal Məmmədovun Lerik və lerikliləri ali qanunverici orqanda təmsil etmək üçün mənəvi haqqı yoxdur. Lerik və leriklilər belə bir deputata layiq deyil. Şəxsən mən Azərbaycan siyasətininin avanqardı olan Yeni Azərbaycan Partiyasının rəhbərliyinə müraciət edərək, qarşıdan gələn seçkilərdən İqbal Məmmədovun namizədliyinin irəlü sürülməməsini xahiş edirəm. Düşünürəm ki, bu yalnız mənim deyil, yüzlərlə leriklinin arzusudur…”.
