Boyukmillet.com Biz yanmasaq vətən yanar
Xəbər verdiyimiz kimi Türkiyənin Van şəhərində “X Van Şərqi Anadolu Turizm və Səyahət Sərgisi” keçirilib. Sərgidə ilk dəfə ölkəmiz “Naxçıvan Muxtar Respublikası” stendi ilə təmsil olunub.
Sərgidə naxcivanxeberleri.com-a “Naxçıvan Muxtar Respublikası” stendi ilə bağlı fikirlərini Bütün İnkişaf və Sahibkar İş Adamları Dərnəyinin (TÜMKİAD) Van bölgə rəhbəri Müslüm Birdal bölüşüb.
Bildirib ki, Azərbaycan Respublikasının sərgidə ilk dəfə iştirak etməsinə baxmayaraq layiqincə təmsil və təbliğ olunur.
Bu sərgidə Azərbaycanın “Naxçıvan Muxtar Respublikası” stendi ilə təmsil olunması məni xüsusi ilə sevindirdi. Qədim Azərbaycan diyarı olan, günü-gündən müasirləşən Naxçıvan Muxtar Respublikasının da böyük turizm potensialı var. Nuhun diyarı məni, eləcə də sərgidə iştirak edənləri heyran etdi. Naxçıvan Muxtar Respublikasının coğrafi mövqeyi, özünəməxsus iqlimi, fauna və florası, qədim tarixə malik mədəniyyət abidələri turizmin inkişafı üçün əlverişli şərait yaradır. Burada qədim dövrlərin yadigarı olan tarixi-memarlıq abidələri – Möminə Xatın, Yusif Küseyir oğlu, Gülüstan türbələri, Qarabağlar Memarlıq Kompleksi, həmçinin təbiət abidələri – əsrlərdən bəri qorunub saxlanılan, yaşı 800 ildən artıq olan Şərq çinarı, narbənd, tut ağacları və tarixi yaddaşı özündə əks etdirən qədim insanların ilk məskunlaşdığı Gəmiqaya abidəsi, Kilit mağarası, Qazma mağarası, bu yerlərin əzəmətinin, məğlubedilməzliyinin simvolu olan Əlincə qalası, möhtəşəmliyi ilə seçilən Haçadağ, Babək qalası, Göy-göl, Əshabi-Kəhf və yüzlərlə sənət əsərləri, ərazidə 250-dən çox mineral və müalicəvi əhəmiyyətli su mənbələrinin mövcudluğu və s. Naxçıvan diyarının analoqu olmayan turizm potensialıdır. İnanıram ki, bu sərgi muxtar respublikaya yeni turist kontengentinin gəlməsinə səbəb olacaq.
Qeyd edim ki, bölgə təhlükəsizliyi ilə xüsusilə fərqlənir. Bu da iş adamlarının bura investisiya yatırmasına ən əlverişli şərait yaradır.
