Boyukmillet.com Biz yanmasaq vətən yanar
Serbiyanın Subotitsa şəhərində gənc boksçular arasında beynəlxalq turnirə yekun vurulub.
Boyukmillet.com xəbər verir ki, 21 ölkədən 189 idmançının mübarizə apardığı yarışı Azərbaycan millisi 4 medalla başa vurub.
Hindistanlı Tali Taba və qazaxıstanlı Uslam Seksenbayevi məğlub edən Kənan Babayev (48 kq) finalda digər hindistanlı Vişvanat Sureşlə üz-üzə gəlib. Döyüşdə rəqib qələbə qazandığından Babayev gümüş medala yiyələnib.
Yığmanın ən ağır çəkili boksçusu Səbuhi Əlizadə (+92 kq) də turniri ikinci yerdə bitirib. Ukraynalı Mikita Maliuta və qazaxıstanlı İvan Yermolenko üzərində qələbə qazanan boksçu finalda ukraynalı Aleksandr Zelinski ilə qarşılaşıb.
Görüşdə rəqib qalib gəldiyindən Əlizadə fəxri kürsünün ikinci pilləsinə qalxıb.
Beləliklə, yığma turniri 2 gümüş və 2 bürünc medalla başa vurub. Komandanın heyətində daha əvvəl Daniel Xolostenko (71 kq) və Fətəli İsmayılov (80 kq) 3-cü yeri tutub.
