Boyukmillet.com Biz yanmasaq vətən yanar
Biləsuvar və Cəlilabad rayonlarında 31 Dekabr – Dünya Azərbaycanlılarının Həmrəyliyi günü və Yeni il bayramı ilə əlaqədar olaraq hazırlıq işləri davam edir.
Boyukmillet.com xəbər verir ki, bayramla əlaqədar olaraq şəhərin parkları, küçə və prospektləri Yeni ilin simvolları ilə bəzədilir.
Hazırda hər iki rayonun müxtəlif ərazilərində – parklarda, küçələrdə hazırlıq işləri, yeni il atributlarının, işıq installasiyalarının və digər bəzəklərin quraşdırılması prosesi davam etdirilir.
Artıq Cəlilabad rayonunda yerləşən Heydər Əliyev Seyrangahında və Biləsuvar rayonunda yerləşən Heydər Əliyev parkında böyük şam ağacları quraşdırılıb. Şam ağacları müxtəlif bəzək əşyaları ilə işıqlandırılıb.
Hər iki rayonda bayram əhval-ruhiyyəsinin yüksək səviyyədə olduğu müşahidə edilir.
Qeyd edək ki, Yeni il bayramı münasibətilə Biləsuvar və Cəlilabad rayonlarında yaxın günlərdə ümumrayon tədbirləri keçiriləcək.
