Futbol

Futbol üzrə Azərbaycan Premyer Liqasında 2021/2022 mövsümünün püşkatma mərasiminin vaxtı müəyyənləşib. Boyukmillet.com  Peşəkar Futbol Liqasının rəsmi saytına istinadən xəbər verir ki, mərasim iyulun 30-da AFFA-nın inzibati binasında baş tutacaq. Saat 14:00-da başlanacaq və pandemiya qaydalarına riayət olunmaqla keçiriləcək tədbirə klub və KİV nümayəndələri dəvətlidir.Qeyd edək ki, Azərbaycan Premyer Liqasının yeni mövsümü 14 avqustda start götürəcək.

Azərbaycanın veteran futbolçusu Müzəffər Qasımov dünyasını dəyişib. Boyukmillet.com-un məlumatına görə, o, 80 yaşında Gəncədə vəfat edib. Qasımov bu gün dəfn olunacaq. Qeyd edək ki, Müzəffər Qasımov “Kəpəz”in Müşahidə Şurasının üzvü idi. Keçmiş oyunçunun karyerası əsasən Gəncənin “Dinamo” klubu ilə bağlı olub. O, bölgə təmsilçisində baş məşqçi kimi də fəaliyyət göstərib.

“Keşlə”nin Rusiyada “Soçi” klubuna qarşı keçirəcəyi UEFA Konfrans Liqasının II təsnifat mərhələsinin ilk oyununa cəmi 500 azarkeş buraxılacaq. Boyukmillet.com -un məlumatına görə, bu barədə komandanın baş məşqçisi Vladimir Fedotov yerli radiolardan birinə açıqlamasında deyib. 55 yaşlı mütəxəssis bildirib ki, bu, ölkədə koronavirus pandemiyasına görə tətbiq olunan məhdudiyyətlərlə bağlıdır: “Qərarı anlayışla qarşılayırıq. Stadiona gələnlər bizim sadiq azarkeşlərimiz olacaq”. Qeyd edək ki, …

Bu gün UEFA Çempionlar Liqasında III təsnifat mərhələsinin püşkü atılacaq. Boyukmillet.com-un məlumatına görə, İsveçrənin Nyon şəhərində keçiriləcək mərasim Bakı vaxtı ilə 14:00-da başlayacaq. Tədbirdə Azərbaycanı qitənin ən nüfuzlu klub turnirində təmsil edən “Neftçi”nin də potensial rəqibi müəyyənləşəcək. II raundda Yunanıstan “Olimpiakos”u ilə qarşılaşacaq “ağ-qaralar” püşkatmada səpələnmişlər səbətində yer alacaq. Azərbaycan çempionu üçün 5 mümkün rəqib var. Yalnız “Alaşkert” (Ermənistan) – …

“Qarabağ”ın sabiq futbolçusu Pedro Enrike komandasını dəyişib. Boyukmillet.com xəbər verir ki, son 2 mövsümü Türkiyə “Kayserispor”unda keçirmiş braziliyalı hücumameylli yarımmüdafiəçi ölkənin digər klubu “Sivasspor”a keçib. Sivas təmsilçisinin rəsmi saytı 31 yaşlı vingerlə 3 illik müqavilə imzalandığını yazıb. Qeyd edək ki, Pedro Enrike 2017/2018 mövsümündə Yunanıstan PAOK-una məxsus futbolçu kimi “Qarabağ”da icarədə olub. O, Ağdam təmsilçisinin Bakıda İtaliya “Roma”sına 1:2 hesabı …

“Neftçi” klubu növbəti futbolçu transferini gerçəkləşdirib. Boyukmillet.com-un klubun rəsmi saytına istinadən məlumatına görə, portuqaliyalı mərkəz müdafiəçisi Huqo Basto ilə 2 il müddətinə müqavilə bağlanıb. 28 yaşlı oyunçu 4 nömrəli formanı geyinəcək. Huqo Basto Portuqaliyanın “Varzim” (2012-2013), “Sportinq Braqa B” (2013-2015), “Aroka” (2015-2018), “Çaves” (2018-2020) və “Eştoril” (2020-2021) klublarında çıxış edib. Son mövsüm 31 oyunda 4 qol vurduğu “Eştoril”lə Portuqaliya çempionatının …

Yunanıstanın “Olimpiakos” klubu UEFA Çempionlar Liqasının II təsnifat mərhələsində “Neftçi” ilə keçirəcəyi oyunlar üçün iştirak ərizəsini UEFA-ya təqdim edib. Boyukmillet.com-un məlumatına görə, siyahıda 24 futbolçu yer alıb.

“Neftçi”nin UEFA Çempionlar Liqasının II təsnifat mərhələsindəki rəqibi Yunanıstan “Olimpiakos”u yoldaşlıq görüşü keçirib. Boyukmillet.com-un məlumatına görə, Pirey təmsilçisi yerli “Aris” komandası ilə üz-üzə gəlib. Görüş “Olimpiakos”un böyük hesablı qələbəsi ilə yekunlaşıb – 3:0. Qeyd edək ki, “Neftçi” “Olimpiakos”la ilk oyununu iyulun 21-də səfərdə, cavab görüşünü isə iyulun 28-də evdə keçirəcək.

UEFA Çempionlar Liqasında II təsnifat mərhələsinin ilk oyunlarının proqramı açıqlanıb. Boyukmillet.com-un məlumatına görə, növbəti mərhələdə iki gün ərzində 10 matç gerçəkləşəcək. Gürcüstanın “Dinamo” (Tbilisi) komandasını mübarizədən kənarlaşdırmış “Neftçi” və mübarizəyə bu mərhələdən başlayacaq Türkiyənin “Qalatasaray” klublarının səfər görüşləri eyni gün və saatda başlayacaq. “Ağ-qaralar” Yunanıstanda “Olimpiakos”un, “sarı-qırmızılar” Niderlandda PSV-nin qonağı olacaq: UEFA Çempionlar Liqası II təsnifat mərhələsi, ilk oyunlar 20 …

“Sumqayıt” və “Keşlə” komandalarının UEFA Konfrans Liqasının II təsnifat mərhələsində keçirəcəkləri ilk oyunlar üçün hakim təyinatları açıqlanıb. Boyukmillet.com-un məlumatına görə, “gənclik şəhəri” təmsilçisinin Serbiyada “Çukariçki” ilə görüşünə isveçrəli referi Fedayi San təyinat alıb. Ona həmyerliləri Yonas Erni və Tsürxer Benjamin yan xətt, Ştefan Horisberger dördüncü hakim qismində yardımçı olacaq. İyulun 21-də Belqraddakı “Çukariçki” stadionunda keçiriləcək görüş Bakı vaxtı ilə saat …