Boyukmillet.com Biz yanmasaq vətən yanar
Hadisə ilə əlaqədar etiraz edərək küçələrə çıxanlar polis tərəfindən saxlanılıblar
İmişli Rayon Prokurorluğunda ölümlə nəticələnən yol qəzası ilə bağlı cinayət işinin başlanıldığı bildirilir.
Baş Prokurorluğun məlumatında bildirilir ki, Dövlət Yol Polisi avtomobilinin iştirakı ilə ölümlə nəticələnmiş yol-nəqliyyat qəzası ilə əlaqədar Cinayət Məcəlləsinin 263.3-cü (yol hərəkəti və nəqliyyat vasitələrinin istismarı qaydalarını pozma ehtiyatsızlıqdan iki şəxsin ölümünə səbəb olduqda) maddəsilə cinayət işi başlanıb. İbtidai istintaq aparılır.
Hadisə nəticəsində 2 nəfər ölüb, əlavə 2 nəfər, o cümlədən YPX avtomobilinin sürücüsü xəsarət alıb.
Hadisə ilə əlaqədar etiraz edərək küçələrə çıxanlar isə polis tərəfindən saxlanılıblar.
Daxili İşlər Nazirliyindən bildirilib ki, İmişli rayonu ərazisində ölümlə nəticələnən yol-nəqliyyat hadisəsi ilə əlaqədar bir qrup şəxs hadisə yerində xuliqanlıq hərəkətləri törədiblər.
Xidməti avtomobilə əlavə zərər vurmaqla hadisə yerində hüquq pozuntusu törətməyə cəhd göstərən şəxslər müəyyən olunaraq saxlanılıblar.
Fakta görə cinayət işi başlanılıb, araşdırmalar davam etdirilir.
Hadisə ilə əlaqədar rayon camaatı etiraz olaraq küçələrə çıxıb
Yanvarın 18-də İmişlidə ağır-yol nəqliyyat hadisəsinin baş verdiyi bildirilir.
Daxili İşlər Nazirliyinin yaydığı məlumatda bildirilir ki, xidmətə gedən Dövlər Yol Polisi avtomobilinin qarşısına digər bir nəqliyyat vasitəsinin çıxması nəticəsində xidməti avtomobil yol kənarında olan uşaqlara dəyib.
Hadisə saat 12:30-da, məktəblilər dərsdən evə gedən zaman baş verib. Uşaqlardan 2 nəfər həlak olub, digər azyaşlılar və sürücü xəstəxanaya çatdırılıb.
Faktla görə cinayət işi başlanılıb, polis və prokurorluq orqanlarında araşdırma aparılır.
Bildirilir ki, hadisə ilə əlaqədar rayon camaatı etiraz olaraq küçələrə çıxıb.
Onların hazırda İmişli Rayon Polis Şöbəsinə doğru irəlilədiyi bildirilir.
