Boyukmillet.com Biz yanmasaq vətən yanar
Rusiya daxilində artıq bir azadlıq ordusu yaradılır və bu ordu nə vaxtsa Rusiya rejiminin zəifləməsindən istifadə edərək onları öz ərazilərindən qovacaq.
Boyukmillet.com xəbər verir ki, bunu İnquş Müstəqillik Komitəsinin nümayəndəsi Ruslan Yoluloy bildirib.
Youloy qeyd edib ki, İnquşetiyanın nə Putinlə, nə də bir müddət əvvəl hər hansı azadlıq hərəkatına qarşı çıxan Rusiya müxalifəti ilə gələcəyi var.
“Biz artıq öz azadlıq ordumuzu yaradırıq. Hər gün ona qoşulmaq istəyən insanlardan çoxlu sayda müraciət alırıq. Artıq hərbi hissələr formalaşdırmışıq, yaxın gələcəkdə bu silahlı birləşmələri dünyaya açıq şəkildə göstərəcəyik. Biz Rusiya müxalifəti ilə ortaq gələcək qurmaq niyyətində deyilik”.
O, həmçinin əlavə edib ki, Ukrayna bu cür proseslərə kömək etməyə borclu deyil, o, ilk növbədə öz ərazilərinin işğaldan azad edilməsi ilə məşğuldur:
“Ukraynaya gəlincə, Ukrayna öz ərazisində döyüşür və biz təbii, başa düşürük ki, o, bizi azad etmək üçün nə Putini çıxarmaq, nə də Rusiya ərazisinə daxil olmaq niyyətindədir. Bu bizim vəzifəmizdir. Bizim vəzifəmiz qüvvələrimizi hazırlamaqdır. Rusiyanın qaçılmaz süqutu üçün”.
