Emin Həsənli: “Minsk qrupunun həmsədr dövlətləri Ermənistanı silahlandırır”

Tərxis Olunmuş Hərbçilərin Gəncləri Maarifləndirmə İctimai Birliyinin sədri Emin Həsənli deyir ki, digər dövlətlər vasitəçilik etməsəydi, Qarabağ münaqişəsi çoxdan həllini tapardı.

Rusiya Ermənistana müasir silahlanma, hərbi avadanlıq əldə etmə və təchizatların maliyyələşdirilməsi üçün 100 milyon dollar məbləğində kredit ayıracaq.

Tərxis Olunmuş Hərbçilərin Gəncləri Maarifləndirmə İctimai Birliyinin sədri Emin Həsənli Sputnik Azərbaycan-a deyir ki, ATƏT-in Minsk qrupunun həmsədr dövlətləri Ermənistana həm hərbi, həm də iqtisadi dəstək olurlar:

“Azərbaycan Rusiyanın strateji tərəfdaşıdır. Bölgədə Rusiyanın maraqlarına zid addımlar atmır. Ancaq dünyada hələ də ikili standartlar var. Böyük dövlətlər insan haqlarına, demokratiyaya, ədalətə söykənməyən imperialist siyasət aparırlar” — deyə o bildirib.