Boyukmillet.com Biz yanmasaq vətən yanar
Türkiyə Prezidenti Rəcəb Tayyib Ərdoğan Cümhuriyyət Xalq Partiyasının sabiq sədri Kamal Kılıçdaroğluna qarşı 500 min lirə (14,5 min dollardan çox) məbləğində mənəvi zərərin ödənilməsi tələbi ilə məhkəməyə müraciət edib.
Boyukmillet.com TASS-a istinadən xəbər verir ki, bu barədə Ərdoğanın vəkili Hüseyin Aydın “X” sosial şəbəkəsində hesabında paylaşım edib.
“15 iyul 2016-cı il qanlı dövlət çevrilişi cəhdindən dərhal sonra Prezidentimiz siyasi müzakirələrimizdə minimum nəzakət mühitini həmişəlik yaratmaq ümidi və arzusu ilə Kılıçdaroğluna qarşı açdığı bütün iddialardan imtina etdi. Səkkiz il keçməsinə baxmayaraq, Kılıçdaroğlu tərəfindən minimum siyasi nəzakət məsələsində heç bir irəliləyiş yoxdur. Əksinə, kobudluq davranış nümunəsinə çevrilib”, – vəkil qeyd edib.
H.Aydın siyasi müzakirədə nəzakətə nail olmağın mümkünsüzlüyü səbəbindən Prezidentin hüquqlarının ciddi şəkildə pozulduğunu bildirib.
“Kılıçdaroğlu barəsində Ankara Baş Prokurorluğunda Prezidentimizə qarşı təhqir və böhtanlar toplusu olan məhkəmə bəyanatları ilə bağlı cinayət işi açılıb. Birinci İnstansiya Mülki Məhkəməsinə 500 min türk lirəsi məbləğində mənəvi zərərin ödənilməsi ilə bağlı iddia ərizəsi verilib”, – vəkil qeyd edib.
