Boyukmillet.com Biz yanmasaq vətən yanar
“İnformasiya təhlükəsizliyi sahəsində beynəlxalq ISO standartlarına arxalanmaq lazımdır”.
Boyukmillet.com xəbər verir ki, bunu Azərbaycan Fövqəladə Hallar Nazirliyinin nümayəndəsi Nicat Əliyev Bakıda “Kibertəhlükəsiz iqtisadiyyat: islahatlar, innovativ yanaşmalar və həll yolları” mövzusunda keçirilən konfransda deyib.
“Standartlardan danışarkən hüquqi standartları da unutmaq olmaz. Əgər hansısa ölkədə kibersistem məsələlərinin nəzərə alındığı qanunvericilik varsa, nəticə əldə etmək mümkündür”, – o deyib.
“Hazırda informasiya təhlükəsizliyi sahəsində biz ən çox ISO 27001, 27003 standartlarına arxalanırıq”, – o əlavə edib.
Xatırladaq ki, ISO 27001 Beynəlxalq Elektrotexniki Komissiya tərəfindən Beynəlxalq Standartlaşdırma Təşkilatı ilə birlikdə hazırlanmış beynəlxalq informasiya təhlükəsizliyi standartıdır.
