Bazar ertəsi , 4 İyul 2022
Home » Dünya » Gənc sərhədçilər Vətənə sədaqət andı içiblər – FOTOLAR

Gənc sərhədçilər Vətənə sədaqət andı içiblər – FOTOLAR

boyukmillet.com xəbər verir ki, “Naxçıvan” Əlahiddə Sərhəd Diviziyasında  gənc əsgərlərin andiçmə mərasimi keçirilib.                                        

Mərasimə hazırlıq barədə raport verildikdən sonra diviziyanın döyüş bayrağı sıra meydanına gətirilib.

Azərbaycan Respublikası Dövlət Sərhəd Xidmətinin rəis müavini, “Naxçıvan” Əlahiddə Sərhəd Diviziyasının komandiri general-mayor Niyaməddin Tağıyev Sərhəd Diviziyasının maddi-texniki bazasının xeyli möhkəmləndirilməsindən, sərhəd zastavalarının müasir texnika, avadanlıq və ləvazimatlarla təmin olunmasından, yeni sərhəd infrastrukturu yaradılmasından danışıb, hərbi andı qəbul edən gənc əsgərləri təbrik edib. ,

Tədbirdə çıxış edənlər əsgərlərə  onlara şərəfli xidmətlərində uğurlar arzulayıblar.

Sonra andiçmə mərasimi açıq elan olunub və Azərbaycan Respublikasının Dövlət Himni səsləndirilib. Gənc əsgərlər vətəni ləyaqətlə  qoruyacaqlarına, əsgəri borclarını şərəflə yerinə yetirəcəklərinə and içiblər.

Mərasim şəxsi heyət tribuna önündən təntənəli keçidi ilə başa çatıb. 

Check Also

Marsdan unikal görüntülər: Çin ilkə imza atdı – FOTO

“Tianwen-1” kosmik planetlərarası stansiyası əsas missiyasını başa vuraraq Marsın qlobal tədqiqini başa çatdırıb. Boyukmillet.com xəbər …