Boyukmillet.com Biz yanmasaq vətən yanar
Gürcüstan DİN-in Miqrasiya Departamenti və nazirliyin müvafiq bölmələri tərəfindən kompleks tədbirlər çərçivəsində 15 xarici vətəndaş ölkədən çıxarılıb.
“Report”un Gürcüstan KİV-lərinə istinadən məlumatına görə, bu barədə DİN-in məlumatında deyilir.
Bunlar Türkiyə, Nigeriya, Türkmənistan, Çin, Hindistan, İordaniya, Misir, Rumıniya, Banqladeş, Livan, İran və Rusiya vətəndaşlarıdır.
“Qüvvədə olan qanunvericiliyə uyğun olaraq, ölkədən çıxarılan şəxslərin ölkəyə girişi qadağan edilib. Qeyri-qanuni miqrasiya ilə mübarizə aparan orqan Gürcüstan DİN-in Miqrasiya Departamentidir. Onun səlahiyyətlərindən biri Gürcüstanda qanunsuz əsaslarla olan xarici vətəndaşların aşkarlanmasıdır”, – məlumatda deyilir.
