Boyukmillet.com Biz yanmasaq vətən yanar
Bu gün İctimai-Siyasi Proseslər və Beynəlxalq Araşdırmalar Mərkəzi (İSBAM) İdarəetmə və Texnologiya Kollecində tələbələrlə görüş keçirib. Görüşü giriş sözü ilə Kollecin direktor-müavini Pərvanə İsmayılova açaraq vətənpərvərlik ruhunda tədbirlərin keçirilməsini yüksək qiymətləndirərək təhsil ocağının bu sahədə həyata keçirdiyi işlər haqqında məlumat verib. Görüş “FƏDAKARLIQ MƏKTƏBİ” adlı lahiyə çərçivəsində baş tutub. Tədbirdə yazıçı-publisist Azər Hacıbəylinin müəllifi olduğu “Qürur Dastanı” adlı kitabı haqqında tələbələrə məlumat verilib. Kitab Milli Qəhrəman Səfiyar Behbudov haqqında yazılıb. Yazıçı Azər Hacıbəyli Qəhrəmanın keçdiyi mübarizə yolu ilə bağlı yazdığı kitab haqqında danışdı. Daha sonar İSBAM sədrinin müşaviri, Dövlət və Qanun qəzetinin baş redaktoru Yasəmən Möhübbətqızı və İSBAM department rəhbəri Anar Məmmədov çıxış edərək gənclərin milli vətənpərvərlik ruhunda tərbiyəsində “Qürur Dastanı” kimi kitabların yazılmasının əhəmiyyətindən danışıblar. Görüşdə qərara alınıb ki, “Qürur Dastanı” adlı kitabın tələbələr arasında inşa yazı müsabiqəsi keçirilsin. Müsabiqə qalibləri İSBAM tərəfindən mükafatlandırılacaqlar.
İSBAM mətbuat xidməti
