Boyukmillet.com Biz yanmasaq vətən yanar
“Biz NATO-ya deyil, Avropa İttifaqına üzv olmağa cəhd göstərəcəyik”.
Boyukmillet.com “RİA Novosti”yə istinadən xəbər verir ki, bunu Moldovanın Baş naziri Natalya Qavrilisa “Euronews”a müsahibəsində bildirib.
Onun sözlərinə görə, Moldovanın Konstitusiyasında neytrallıq prinsipi yazılıb: “Biz NATO-ya üzvlüyə deyil, Avropa İttifaqına daxil olmağa cəhd göstərirəcəyik”.
Məlumata görə, Moldova Prezidenti Mayya Sandu artıq martın 3-də ölkəsinin Avropa İttifaqına daxil olması haqqında ərizəni imzalayıb.
Moldova Konstitusiyasına əsasən, ölkənin neytrallıq statusu var, ancaq 1994-cü ildən respublika fərdi tərəfdaşlıq planı çərçivəsində NATO ilə əməkdaşlıq edir.
Moldovanın paytaxtı Kişineuda NATO-nun informasiya mərkəzi fəaliyyət göstərir. 2017-ci ilin dekabrında isə ölkə paytaxtında NATO-nun rabitə üzrə bürosu açılıb.
Qeyd edək ki, bir müddət əvvəl Rusiyanın Ukraynadan sonra Moldovaya hücum edəcəyinə dair məlumatlar yayılıb.
