Naxçıvanın ən yaşlı sakini Qönçə nənə

1 oktyabr Beynəlxalq Ahıllar Günü ərəfəsində muxtar respublikanın ən uzun ömürlü sakini, 119 yaşlı Qönçə Hümbətova ilə görüş keçirilib.

Boyukmillet.com Naxcivantv.az–a istinadən xəbər verir ki, görüşdə Naxçıvan Muxtar Respublikası Əmək və Əhalinin Sosial Müdafiəsi Nazirliyinin və Şərur rayon İcra Hakimiyyətinin  əməkdaşları iştirak ediblər.

Qeyd edək ki, Şərur rayonunun Kürçülü kənd sakini Qönçə Hümbətova 1 iyul 1898-ci ildə Qərbi Azərbaycanın Vedi rayonunun Qədirli kəndində anadan olub. Ötən əsrin əvvəllərindən isə Naxçıvanda yaşayır.

Görüş zamanı muxtar respublikanın ən yaşlı sakininə hədiyyə də təqdim olunub.

Qönçə Hümbətova göstərilən diqqət və qayğıya görə minnətdarlıq edib.