Cümə , 29 Mart 2024
Drone Cameras

“Nizami Gəncəvi: Şair və Müdrik” kitabı BMT-nin yüksək səviyyəli toplantısında təqdim olunacaq

Nizami Gəncəvi Beynəlxalq Mərkəzi ABŞ-ın Nyu-York şəhərində dahi Azərbaycan şairi və mütəfəkkirinin 880 illiyi çərcivəsində “Nizami Gəncəvi: Şair və Müdrik” kitabının təqdimatını keçirəcək.

Nizami Gəncəvi Beynəlxalq Mərkəzinin baş katibi Rövşən Muradovun verdiyi məlumata görə, Mərkəzin həmsədri İsmayıl Seragəldinin müəllifliyi ilə hazırlanan “Nizami Gəncəvi: Şair və Müdrik” kitabı BMT-nın Baş Assambleyası çərcivəsində təşkil olunan XXI ali səviyyəli toplantısında təqdim olunacaq.

Mərkəzin həmsədri xanım Vaira Vike-Freiberga, Finlandiyanın sabiq prezidenti xanım Tarya Halonen və baş katib Rövşən Muradov kitabın əhəmiyyəti ilə bağlı fikirlərini bölüşüblər.

Qeyd edək ki, 2012-ci ildə Gəncədə Nizaminin yaradıcılığına həsr olunmuş xüsusi Beynəlxalq Mərkəzin yaradılması, ilk növbədə, böyük müdrik şairin xatirəsinin doğma ölkəsi Azərbaycanda yaşayacağını təmin edəcək. Mərkəzin ikinci, eyni dərəcədə əhəmiyyətli bir missiyası Nizami haqqında kitabları mümkün qədər fərqli dillərdə əlçatan etməklə bu işlər sadəcə davam etdirmək, gələcəkdə daha da gücləndirməkdir.

Check Also

NATO-nun keçmiş baş katibi Ermənistandan rüşvət alıb

Hikmət Hacıyev Rasmussenə hansı bədnam əməllərini xatırladır? Azərbaycan Prezidentinin köməkçisi – Prezident Administrasiyasının Xarici siyasət …