Şənbə , 21 Sentyabr 2024
Drone Cameras

Oğuzda Vətən müharibəsi şəhidinin adına inşa edilən bulağın açılışı olub

Oğuz rayonunun Sincan kəndində Vətən müharibəsi şəhidi, tank komandiri olmuş Məmmədov Tural Arif oğlunun xatirəsinə inşa edilən bulağın açılışı olub.

Boyukmillet.com xəbər verir ki, mərasimdə şəhidin yaxınları, ictimaiyyət nümayəndələri, hərbçi yoldaşları və rayon sakinləri iştirak edib.

Mərasimdə Vətən uğrunda canlarından keçən şəhidlərimizin ruhuna dualar oxunub. Şəhidin müharibə dövründə göstərdiyi igidliklərdən danışılıb.

Qeyd edək ki, Məmmədov Tural 2016-cı il Aprel döyüşlərində də iştirak edib. Tank komandiri olan gizir Vətən müharibəsində Suqovuşan və Talış istiqamətində gedən döyüşlərdə iki dəfə yaralansa da, yenidən döyüşlərə qatılıb və Ağdərə uğrunda gedən döyüşlərdə qəhrəmancasına şəhid olub. Prezident İlham Əliyevin sərancamları ilə “Vətən uğrunda”, “Suqovuşanın azad olunmasına görə” və “Laçının azad olunmasına görə” medallarla təltif edilib.

Check Also

Prezidentlə oğlu Ağdamın Eyvazxanbəyli kəndinin təməlqoyma mərasimində iştirak ediblər

Azərbaycan Respublikasının Prezidenti İlham Əliyev və oğlu Heydər Əliyev sentyabrın 19-da Ağdam rayonunun Eyvazxanbəyli kəndinin …