Pakistan yeni hipersəs raketini təqdim etdi

Pakistanın hərbi-sənaye konqlomeratı GIDS Dünya Müdafiə Sərgisində gəmidən buraxılan “Smash” səsdən sürətli raketini nümayiş etdirib.

Boyukmillet.com TASS-a istinadən xəbər verir ki, raket hipersəs kimi satılır, baxmayaraq ki, stenddəki əlavə məlumatlarda onun terminal uçuş sürətinin 2 Mach-dan çox olduğu bildirilir.

“Smash”ın həm dəniz, həm də quru hədəflərini məhv etmək üçün nəzərdə tutulduğu qeyd olunur.

Döyüş başlığı həm kasset tipli, həm də yüksək partlayıcı versiyalarda mövcuddur.