Boyukmillet.com Biz yanmasaq vətən yanar
İranın Xoy şəhərində böyük sufi şairi və mütəfəkkiri Şəms Təbrizinin xatirəsinə ucaldılmış abidənin və onun adını daşıyan mədəniyyət kompleksinin açılışı olub.
Boyukmillet.com xəbər verir ki, açılış mərasimində çıxış edən İran Prezidenti Məsud Pezeşkian Şəms Təbrizi kompleksi və məqbərəsinin tədqiqat, dialoq, eləcə də mistik təfəkkür irsinin araşdırılması üçün beynəlxalq mərkəzə çevrilə biləcəyini bildirib.
Pezeşkian Şəms Təbrizinin adını Azərbaycanla İran, eləcə də mənəviyyat, hikmət və humanizm dəyərləri arasındakı əlaqənin simvollarından biri kimi dəyərləndirib.
Prezidentin sözlərinə görə, Xoy şəhəri Şəms Təbrizi və Cəlaləddin Ruminin irsini araşdıran alimlər üçün beynəlxalq əhəmiyyətli elmi və mədəni mərkəzə çevrilmək potensialına malikdir.
