Boyukmillet.com Biz yanmasaq vətən yanar
İyulun 16-ı gecə saatlarında Gilan əyalətinin mərkəzi Rəşt şəhərinin Şəhrdari meydanında vətəndaşlarla hökumət məmurları arasında toqquşma olub.
Boyukmillet.com xəbər verir ki, gərginlik patrul əməkdaşlarının məcburi hicab qaydalarını pozan 3 qadını həbs etməyə çalışmasından sonra baş verib.
Hökumət məmurları qadınların polis maşınlarına mindirilməsinin qarşısını alanlara gözyaşardıcı qaz tətbiq ediblər. Bundan sonra rəştlilər “Diktatora ölüm”, “Xameneiyə ölüm” şüarları səsləndirib.
Toqquşma zamanı bir neçə nəfərin həbs edilərək naməlum istiqamətə aparıldığı bildirilib.
