Boyukmillet.com Biz yanmasaq vətən yanar
İqtisadiyyat Nazirliyinin tabeliyindəki İqtisadi Zonaların İnkişafı Agentliyi ilə Rusiyanın “Himtek Engineering” şirkəti arasında Anlaşma Memorandumu imzalanıb.
Boyukmillet.com xəbər verir ki, sənədi qurumun İdarə Heyətinin sədri Seymur Adıgözəlov və Rusiya şirkətinin baş direktoru Sergey Luqovskoy imzalayıblar.
Memoranduma əsasən, Rusiya şirkəti Sumqayıt Kimya Sənaye Parkında dəyəri 100 milyon ABŞ dolları olan istehsal müəssisəsi yaradacaq və kimya məhsulları istehsal edəcək. 100 nəfərin işləyə biləcəyi müəssisənin illik istehsal gücü 15 min ton olacaq. Onun məhsullarının Azərbaycanda satışı ilə yanaşı Rusiyaya ixrac edilməsi planlaşdırılır.
