Boyukmillet.com Biz yanmasaq vətən yanar
Boyukmillet.com xəbər verir ki, Vətəndaş Həmrəyliyi Partiyasının sədri, DAK həmsədri millət vəkili Sabir Rüstəmxanlı Novruz bayramı ilə bağlı Azərbaycan xalqını təbrik edib.
Təbrikdə deyilir:
“Əziz bacılar və qardaşlar!
Novruz bayramı münasibətilə hamınızı təbrik edir, hər birinizə, uzun ömür və xoşbəxtlik arzulayıram. Azərbaycanın ən qədim bayramlarından biri olan Novruz Şərq təqviminə görə yeni ilin gəlişini göstərməklə yanaşı, baharın, saflığın və bərəkətin rəmzi sayılır. Baharın gəlişini, təbiətin oyanışını, həyatın canlanmasını müjdələyən Novruz, ən qədim dövrlərdən bəri, xalqımızın sevinc, şadlıq bayramı olmuşdur.
Novruz ümumxalq bayramı kimi uzun əsrlərdən bəri yurdumuzun hər bir guşəsində müxtəlif el şənlikləri və mərasimlərlə qarşılanır. Ulu Tanrıya, kainatın nizamına və ana təbiətə sonsuz sevginin parlaq ifadəsi olan bu bayramın qədim ənənələrinin bütün rəngarəngliyi ilə qorunub saxlanılması Azərbaycan xalqının öz tarixi-mədəni keçmişinə yüksək ehtiramını və milli-mənəvi dəyərlərə dərin bağlılığını nümayiş etdirir.
Əsrlərin sınağından çıxmış Novruz bayramının artıq dövlət səviyyəsində keçirilməsi məhz istiqlal yolunda qazandığımız nailiyyətlərdəndir. Çox təəssüf ki, artıq neçə illərdir Novruzu Azərbaycanın ərazilərinin işğal altında olduğu durumda qeyd ediriktacı sayılan doğma Qarabağımızda qeyd etmək bizlərə nəsib olmur. Ancaq sosial – iqtisadi çətinliklər dövrü olsa da, milli adət – ənənələrimizin qorunması və onun inkişaf etdirilməsi milli kimliyimizin, bütövlüyümüzün formalaşmasına yardımçı olacağına əminəm. Xalqımızın iradəsilə işğal olunmuş torpaqlarımız azad ediləcək. Bu müqəddəs bayramın Bütöv Azərbaycanda qeyd ediləcəyi gün uzaqda deyil.
Eyni zamanda bu günlər ölkəmizdə və dünyada baş verənlər insanlardan sevgi, həmrəylik və mərhəmət tələb edir. Hər birimizin bəşəriyyətin və insanlığın gələcək taleyi üçün narahatçılığımız bizdən bir-birimizə sevgi və mərhəmət tələb edir. İnanıram ki, millətimiz gücü və Novruz müqəddəsliyi bu bəlanı adlatmamıza yardımçı olacaq.
Əziz soydaşlarım!
Bir daha Novruz bayramı münasibətilə sizi ürəkdən təbrik edirəm.
Tanrı Azərbaycanımızı qorusun!”.
