Suriya zəvvarların daşınması üçün Türkiyə və Səudiyyə Ərəbistanı ilə sazişlər imzalayıb

Suriya həcc ziyarəti zamanı suriyalı zəvvarların daşınması üçün Türkiyə və Səudiyyə Ərəbistanı ilə hava nəqliyyatı sazişləri imzalayıb.

Boyukmillet.com Suriya mətbuatına istinadən xəbər verir ki, sənədlər Suriyanın Vəqflər Nazirliyinin Həcc və Ümrə İdarəsi ilə “Türk Hava Yolları” və “Centromo Hava Yolları” arasında imzalanıb.

Məlumata görə, müqavilələr zəvvarların Dəməşq Beynəlxalq Hava Limanından Ciddədəki Kral Əbdüləziz Beynəlxalq Hava Limanına, geridönüşdə isə Mədinədəki Şahzadə Məhəmməd bin Əbdüləziz Hava Limanından Suriya paytaxtına daşınmasını asanlaşdırmaq məqsədilə bağlanıb.

Müqavilələrə əsasən, hər bir zəvvara ümumi çəkisi 40 kiloqrama qədər olan iki çanta (hər çanta 20 kiloqram) daşımağa icazə veriləcək, bundan əlavə, təşkilatçı qrup tərəfindən hər bir zəvvara 5 litrlik Zəmzəm suyu şüşələri təqdim ediləcək.