“The New York Times”ın jurnalistləri Rusiyanı tərk edəcəklər

Amerikanın “The New York Times” qəzeti Rusiya Silahlı Qüvvələri haqqında saxta xəbərlərin yayılması ilə bağlı yeni qanunla əlaqədar jurnalistlərini Rusiyadan müvəqqəti çıxarmaq qərarına gəlib.

Boyukmillet.com xəbər verir ki, bu barədə baş redaktorun müavini Klifford Levi bildirib.

“Redaksiyamızı qorumaq üçün hələlik onları ölkədən çıxarırıq. Ümid edirik ki, onları mümkün qədər tez geri qaytaracağıq və vəziyyəti yaxından izləyirik”, – “The New York Times”ın beynəlxalq departamentinin baş redaktorunun köməkçisi Maykl Slakman bildirib.

Bəyanatda qeyd olunur ki, “The New York Times” Ukraynadakı hadisələri işıqlandırmaqda davam edəcək.