Çərşənbə , 28 İyul 2021
Home » Dünya » “Türk tankları kəndə girdikdə terrorçular qaçmağa başladı” – Ələ keçirilən PYD üzvünün etirafı

“Türk tankları kəndə girdikdə terrorçular qaçmağa başladı” – Ələ keçirilən PYD üzvünün etirafı

“Zeytun budağı” əməliyyatı çərçivəsində Afrinin dağətəyi ərazisində 7 terrorçu əsir götürülmüşdü.

Boyukmillet.com Avropa.info-ya istinadla xəbər verir ki, məhkəmə qarşısına çıxarılaraq barələrində həbs-qətimkan tədbiri seçilən 3 terrorçunun ifadələri mətbuata açıqlanıb. Həbs olunan terrorçular PYD-nin onları ölümlə təhdid etdiyini, terror təşkilatına zorla cəlb etdiklərini deyiblər. Terror təşkilatı “Ailənizi və uşaqlarınızı öldürərik” deyərək təhdid etdiyi adamlara 45 günlük silah təlimi verirmiş.

Təlimdən sonra sərhədyanı bölgəyə göndərilən terrorçular Adamanlı kəndində 30-a yaxın PYD silahlısının olduğunu etiraf ediblər. Onların dediklərinə görə, əməliyyat başlayan gündən PYD qorxu içindədir:

“Türk əsgərlərinin əməliyyatı ilə təşkilat daxilində panika başladı. İlk olaraq tankların sərhədə yaxınlaşdığını gördük. Tankların kəndə girməsi ilə terror təşkilatı üzvlərinin qaçışı başladı. Biz qaça bilmədik və həbs olunduq”

Regiondan qaçanlar arasında bir komandirin də olduğunu deyən terrorçular ABŞ-ın PYD-yə silah və təchizat vasitələri verdiyini də deyiblər.

Check Also

Ermənistan BMT Təhlükəsizlik Şurasına müraciət edə bilər

Ermənistan sərhəddəki vəziyyətlə bağlı BMT Təhlükəsizlik Şurasına müraciət edə bilər.  Boyukmillet.com xəbər verir ki, bu …