Boyukmillet.com Biz yanmasaq vətən yanar
Türkiyənin “Vatan” partiyası ABŞ Prezidenti Donald Trampın fələstinliləri Qəzza zolağından çıxarmaq niyyətində olması ilə bağlı bəyanatından sonra ABŞ-nin Ankaradakı səfirliyi qarşısında etiraz aksiyası keçirib.
Bu barədə Boyukmillet.com “RİA Novosti”yə istinadən xəbər verir.
“ABŞ-nin Qəzza ilə bağlı planları Böyük Kürdüstanın yaradılması üzrə böyük layihənin bir hissəsidir. Əgər biz Fələstinin dostlarıyıqsa, konkret addımlar atmalıyıq”, – partiya sədrinin müavini Utku Reyhan müraciətində bildirib.
Siyasətçi Türkiyə ərazisindəki NATO hərbi bazalarının bağlanmasına çağırıb.
Daha əvvəl Tramp bəyan etmişdi ki, ABŞ Qəzza zolağını “nəzarətə götürəcək” və regionda bərpa işlərinə cavabdeh olacaq, həmçinin onu bütün dünya üçün “Yaxın Şərq Rivyerası”na çevirəcək. Bununla yanaşı, Amerika lideri hazırkı Qəzza zolağının sökülməli olduğunu, onun sakinlərinin isə birdəfəlik digər ölkələrə, o cümlədən İordaniya və Misirə köçməli olduqlarını bildirib.
