Türkiyə QHT-ləri Şuşa ili çərçivəsində Azərbaycana səfərə gələcəklər

Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyi və Türkiyə Respublikasının Daxili İşlər Nazirliyi arasında video formatda işçi görüş baş tutub.

Görüşdə Agentlik və Nazirlik arasında imzalanan Anlaşma Memorandumunun bəndlərinin icrası, Türkiyə Daxili İşlər Nazirliyi və QHT-lərinin 2022-ci il “Şuşa ili” çərçivəsində Azərbaycana səfəri barədə müzakirələr aparılıb. May ayında səfərə gələcək heyət Şuşa, Ağdam və Xocavəndi ziyarət edəcəklər, eyni zamanda səfər çərçivəsində Azərbaycan və Türkiyə QHT-lərinin işbirliyi forumu keçiriləcək.