Boyukmillet.com Biz yanmasaq vətən yanar
2011-ci ildən Türkiyədə terror fəaliyyətində iştirak etmiş 102 müxtəlif ölkədən olan 9 min silahlı deportasiya edilib.
Boyukmillet.com “Anadolu”ya istinadən xəbər verir ki, bu barədə Türkiyə Daxili İşlər Nazirliyi yanında Miqrasiya Xidməti məlumat yayıb.
Deportasiya edilən əcnəbilər arasında ABŞ və Avropa İttifaqı ölkələrinin 1 168 vətəndaşı var.
“Aİ ölkələri Türkiyədən deportasiya edilən muzdluların sayına görə liderdir. Təkcə 2019-cu ildə Aİ-nin 12 ölkəsinin 126 vətəndaşı Türkiyədən deportasiya olunub”, – nazirlikdən bildirilib.
Bu ilin ilk 7 ayında Aİ-nin 6 ölkəsinin 20 vətəndaşı Türkiyədən çıxarılıb.
2019-cu ildən sonrakı dövrdə deportasiya edilən silahlıların sayında ilk yerləri Fransa, Almaniya, Niderland, Belçika, Finlandiya, Rumıniya, İsveç və Avstriya vətəndaşları tutur.
