Boyukmillet.com Biz yanmasaq vətən yanar
Vali təxribat ehtimalının olmadığını deyir
Türkiyənin Balıkəsir bölgəsində sursat istehsal edən fabrikdə partlayış olduğu, 12 nəfərin həyatını itirdiyi bildirilir.
Balıkəsir valisi İsmail Ustaoğlu hadisənin saat 08:25-də baş verdiyini deyib.
“12 vətəndaşımız həyatını itirib, 3 yaralı var, təxribat ehtimalı yoxdur”, – vali bildirib.
Ustaoğlu bildirib ki, partlayış ZSR partlayıcı istehsal müəssisəsində baş verib.
O, hadisənin fabrikin kapsul istehsalı bölməsində baş verdiyini, daha sonra isə binanın çökdüyünü bildirib.
Partlayış zamanı fabrikdə neçə nəfərin olduğu məlum deyil.
Yanğınla əlaqədar əraziyə çoxlu yanğınsöndürmə briqadaları və təcili yardım maşınları göndərilib.
Ədliyyə naziri Yılmaz Tunç ölkənin Baş Prokurorluğu tərəfindən istintaq başladıldığını və Baş prokuror müavininin koordinasiyası ilə 4 dövlət ittihamçısının təyin edildiyini açıqlayıb.
“ZSR” şirkəti “mülki partlayıcı maddələr”, eləcə də döyüş sursatları, ovçuluq və səs patronları istehsal edir.
