Türkiyənin vitse-prezidenti: “Yanğınları söndürmək üçün bütün imkanlarımızdan istifadə edirik”

“Bu gün yanğını söndürəcəyimizə və hadisənin keçmişdə qalacağına ümid edirəm. Hazırda bütün imkanlarımızdan istifadə edir, koordinasiyalı davranırıq”.

Boyukmillet.com xəbər verir ki, bu fikirləri Türkiyənin vitse-prezidenti Fuat Oktay Türkiyə və Şimali Kiprdəki yanğınlarla bağlı jurnalistlərə açıqlamasında deyib.

“Ümid edirik ki, küləyin sürətində, hava şəraitində hansısa dəyişiklik olmaz. Yanğınlarla bağlı iki ehtimal var: ya təxribat, ya da insan etinasızlığı. Sabotajların qarşısının alınması vəzifəmizdir. Amma insanlarımız da diqqətli olmalı, laqeyd davranmamalıdırlar. Bu, birlikdə qarşısını ala biləcəyimiz problemdir”, – o söyləyib.