Türkiyənin XİN başçısı qətərli həmkarı ilə İsrail və HƏMAS arasındakı mümkün razılaşmanı müzakirə edib

Türkiyənin xarici işlər naziri Hakan Fidanla Qətərin Baş naziri və xarici işlər naziri Şeyx Məhəmməd bin Əbdürrəhman Əl-Sani arasında telefon danışığı olub.

Boyukmillet.com xəbər verir ki, bu barədə “TRT Haber” məlumat yayıb.

Telekanalın əldə etdiyi məlumata görə, Fidan həmkarı ilə Qətər və Misirin səyi nəticəsində İsrail və HƏMAS-a təqdim olunmuş çərçivə razılaşması ilə bağlı son vəziyyəti müzakirə edib.

Türkiyənin baş diplomatı sözügedən razılaşma ilə əlaqədar Ankaranın dəstəyini vurğulayıb.