Boyukmillet.com Biz yanmasaq vətən yanar
Niderlandın müdafiə naziri Ruben Brekelmans Ukraynaya göndərilməsi vəd edilən 24 F-16 qırıcı təyyarədən sonuncusunun 26 may tarixində yola salınacağını açıqlayıb.
Boyukmillet.com xəbər verir ki, bu barədə nazir özü bəyanatla çıxış edib.
Qeyd olunur ki, Niderland ötən ilin yayında artıq 23 F-16 qırıcısını Ukraynaya təqdim edib. Həmçinin bu təyyarələrin bir qismi Rumıniyada yaradılmış pilot və ekipajların hazırlıq mərkəzinə də göndərilib.
Ukrayna F-16-ları ilk dəfə 2024-cü il iyulun 31-də qəbul edib, lakin həmin vaxt ölkə rəsmiləri neçə təyyarənin gəldiyini açıqlamamışdı.
Ümumilikdə, Danimarka, Norveç, Niderland və Belçikadan ibarət koalisiya Ukraynaya təxminən 60 F-16 qırıcısı verməyi öhdəsinə götürüb. Bu təyyarələr Ukraynanın hava hücumundan müdafiə potensialını ciddi şəkildə gücləndirməyi hədəfləyir.
