Boyukmillet.com Biz yanmasaq vətən yanar
“Ukrayna və Rusiya Prezidenti Volodimir Zelenski ilə Vladimir Putin arasında danışıqlardan əvvəl ölkəmiz bir neçə yüksək səviyyəli qələbə qazanmalıdır. Bu, Kremlə imperiya illüziyalarından qurtulmağa, ölkəmizə isə öz tələblərini diktə etməyə kömək edəcək”.
Boyukmillet.com xəbər verir ki, bunları Ukrayna Prezident Ofisi rəhbərinin müşaviri Mixaylo Podolyak deyib.
“Ukrayna bu gün dünyanın necə yaşadığına dair qrafik qurur. Əgər sadə dillə desək, bir ya da iki həftədən sonra prezidentlər səviyyəsində görüşəcəyik. Xeyr, bu belə olmayacaq. Başqa cür olacaq. Ukrayna böyük döyüşlərə hazırdır. Ukrayna bu döyüşlərdə qalib gəlməlidir”, – Podolyak bildirib.
Prezident Ofisi rəhbərinin müşavirinin sözlərinə görə, qələbələrdən sonra Ukrayna danışıqlar zamanı daha əsaslı mövqe tutacaq və öz tələblərini diktə edəcək. O, qeyd edib ki, hər şeydən əvvəl Rusiyanın nəhayət imperiya illüziyalarından qurtulması vacibdir.
“Mən hamınızın başa düşməyinizi istəyirəm – Rusiya imperiya illüziyalarından qurtulmalıdır. Biz hər şeyi edəcəyik ki, sərhədlərimizi Rusiya Federasiyasının imperiya ambisiyalarından həmişəlik bağlamaq üçün çox güclü təhlükəsizlik zəmanətləri əldə edək. Və prezident bunun üçün tamamilə aydın mövqelər olanda danışıqlara gedəcək”, – Podolyak əlavə edib.
