Boyukmillet.com Biz yanmasaq vətən yanar
“Sülhün başlanması birbaşa Ukraynaya verilən dəstəyin miqdarından asılıdır”.
Boyukmillet.com xəbər verir ki, bunu Ukrayna Prezidenti Volodimir Zelenski ənənəvi videomüraciəti zamanı deyib.
Prezident Rusiya ilə Ukrayna arasında müharibənin bitməsinin hansı amillərdən asılı olduğunu sadalayıb.
“Bəziləri bunun bir neçə həftə, bəziləri isə bir neçə il çəkəcəyini deyir. Əlbəttə, müxtəlif proqnozlar eşidirəm, məndə bəzi KİV-lərin Rusiya ordusunun niyyətləri və imkanları, iqtisadiyyatının potensialı, cəmiyyətin emosional vəziyyəti haqqında dərc etdiyindən qat-qat fərqli məlumatlar var. Müharibənin nə qədər davam edəcəyini söyləməzdən əvvəl bütün bunlar nəzərə alınmalıdır”, – Ukrayna lideri əlavə edib.
Zelenski bildirib ki, Rusiyaya qarşı sanksiyalar çox ciddidir.
“Sanksiyalar artdıqca, müharibə bir o qədər tez bitəcək. Mən həmişə bütün tərəfdaşlarımıza deyirəm ki, müharibəni daha da qısaltmaq sizin ixtiyarınızdadır. Tələb etdiyimiz silahlar nə qədər çox olsa, mövqelərimiz bir o qədər güclü olacaq”, – Zelenski vurğulayıb.
