Boyukmillet.com Biz yanmasaq vətən yanar
“BULUTISTAN” AZƏRBAYCANIN BİRİNCİ İLK TÜRK ÇOXMƏQSƏDLİ BULUD XİDMƏT TƏMİNATÇISI OLMAĞA BAŞLAYIR
Türkiyənin ilk və aparıcı yerli bulud xidməti provayderi “Bulutistan” 2015-ci ildən bəri inkişaf etdiyi məhsul və xidmətlərlə Türkiyədə və 60-dan çox ölkədə bulud xidmətlərini təklif edir. Qloballaşma məqsədi ilə öz beynəlxalq şəbəkəsini genişləndirməyə davam edən “Bulutistan” özünün mükafatlı innovativ həlləri ilə Azərbaycanda ilk çoxməqsədli bulud xidmətlərinin təminatçısı oldu.
2020-ci ildə “Deloitte”un “Sürətli 50” siyahısında Türkiyənin ən sürətlə inkişaf edən texnologiya şirkətlərindən biri oldu və çoxsaylı uğur mükafatları alan “Bulutistan”, qloballaşma məqsədinə uyğun olaraq xaricdə genişlənməkdə davam edir. Türkiyədən kənarda 60-dan çox ölkədə bulud xidmətləri təklif edən “Bulutistan”, Azərbaycanda ilk çoxməqsədli bulud xidmətlərinin təminatçısı oldu.
Öz proqram təminatını və həllərini istehsal edən və güclü R&D avadanlığına sahib olan şirkət olaraq böyüyən “Bulutistan”, “Equinix Global Connectivity Network” (Bulud Mübadiləsi) şəbəkəsinə inteqrasiya edən ilk şirkət olaraq, Türkiyədən IT ixracını artırmağa davam edir. Öz istifadəçilərinə qlobal bulud xidməti provayderlərinin təklif etdiyi birinci dərəcəli xidmət keyfiyyətini təklif edən “Bulutistan” qlobal sertifikatları ilə mövqeyini möhkəmləndirir.
Azərbaycanla birgə bütün qonşu ölkələrə xidmət etmək məqsədi daşıyır
Türkiyədə 50 % bazar payına sahib olan “Bulutistan” şirkətinin Qlobal Baş Meneceri Önder Şahin Azərbaycan və Türkiyə arasında bu əməkdaşlığın çox dəyərli olduğunu diqqətə çatdırıb və deyib: “Azərbaycan Respublikasının Rəqəmsal İnkişaf və Nəqliyyat Nazirliyi nəzdində fəaliyyət göstərən rəqəmsal və bulud provayderi “AzinTelecom” MMC ilə 11 Aprel tarixində strateji əməkdaşlıq memorandumu imzaladıq. Bu əməkdaşlıqla biz bütün qonşu ölkələrə, xüsusilə də Azərbaycanda bulud sistemləri baxımından töhfə vermək məqsədini daşıyır və “AzinTelekom” ilə bir yerdə bulud xidmətlərini bazara təklif edəcəyik.
“Fasiləsiz məlumatların əldə edilməsi üçün 3 əsas xidmət təklif edirik”
Önder Şahin, “Bulutistan”ın xidmətlərinin tərkibi olan “Public Cloud”, “Private Cloud” və “Hybrit Cloud” məhsullarının müştərilər üçün böyük əhəmiyyət daşıdığına diqqətə çatdırdı; “Şəxsi bulud xidməti müştərilərimizə “Firewall” arxasında xüsusi WLAN-da ayrılmış mənbələrdən bulud xidmətini müəyyən edə bilər. Bu təcrid olunmuş struktur sayəsində müştərilərimizin data mərkəzinə xaricdən və ya daxilindən gələn hücumların riskini minimuma endirir. Biz Hibrid Bulud xidmətini ictimai bulud platformalarını şəxsi bulud və ya yerli serverlərlə birləşdirən, iş yükünün iki bulud arasında sürətlə ötürülməsinə imkan verən və eyni zamanda birdən çox bulud məhsulunun üstünlüklərindən istifadə etməyə imkan verən inteqrasiya olunmuş həll kimi müəyyən edə bilərik. Məlumat təhlükəsizliyi baxımından bir qədər ənənəvi olan şirkətlər “Private Cloud”a, bulud texnologiyasını tam mənimsəmiş müştərilər isə Public Cloud xidmətinə üstünlük verirlər.
“Azərbaycanın rəqəmsal iqtisadiyyata keçidini dəstəkləyəcəyik”
“Bulutistan”ın Azərbaycan ölkə meneceri Samir Nuriyev Azərbaycanın investisiya üçün dünyada ən cəlbedici ölkələrdən birinə çevrildiyini, iqtisadi sabitliyin, eləcə də əlverişli biznes-investisiya mühitinin xarici investorları Azərbaycana cəlb etdiyini bildirib, “Bulutistan” olaraq, regionun bulud xidmətlərinə onlara sürətli və etibarlı giriş kimi tələblərinə səssiz qalmadıqlarını vurğulayıb. Nuriyev deyib: “Bu investisiya Azərbaycanın hər yerində özəl sektorun, müştərilərin və tərəfdaşların rəqəmsal transformasiyanın sürətlənməsində həlledici rol oynayacaq. Uyğunlaşdırılmış, əlçatan, böyüyə bilən və dözümlü həllərimiz sayəsində yerli şirkətlər üçün ən uyğun həll təklif edirik. Bizim strategiyamız və prioritetimiz tərəfdaşlarımızla birlikdə regionda yerli çətinliklərin həlli yollarını inkişaf etdirməkdir və biz bu yolda “AzinTelecom” MMC ilə birgə getməkdən qürur duyuruq”.
Azərbaycan iqtisadiyyatında əsas rolu olan neft və təbii qazla yanaşı, kənd təsərrüfatı, nəqliyyat, turizm, informasiya kommunikasiyası və bulud texnologiyalarının gücləndirilməsi istiqamətində səylərin də həyata keçirildiyini bildirən S.Nuriyev deyib: “Azərbaycan ölkə iqtisadiyyatının diversifikasiyası üçün mühüm layihə və strategiyalar həyata keçirir. Biz “Bulutistan” olaraq, pandemiya ilə informasiya kommunikasiya və bulud texnologiyalarına artan tələbatı görməklə Azərbaycanda ilk çoxməqsədli xidmət təminatçısı olmuşuq. Tərəfdaşımız “Azin Telecom” MMC ilə Azərbaycanın rəqəmsal iqtisadiyyata keçidini dəstəkləyəcəyik”.
