Boyukmillet.com Biz yanmasaq vətən yanar
Yaşıllıqların artırılmasına, ətraf mühitin sağlamlaşdırılmasına hər zaman böyük önəm vermiş ulu öndər Heydər Əliyevin xatirəsini yad etmək, onun təbiətə, yaşıllıqlara qayğı ənənələrini davam etdirmək məqsədilə Daşkəsən rayonunda növbəti ağacəkmə kampaniyası keçirilib.
Boyukmillet.com xəbər verir ki, aksiya Daşkəsən Rayon İcra Hakimiyyətinin və YAP Daşkəsən rayon təşkilatının birgə təşkilatçılığı ilə baş tutub.
Ümummilli Lider Heydər Əliyevin anadan olmasının 100 illiyinə həsr olunmuş aksiyada Daşkəsən Rayon İcra Hakimiyyətinin başçısı, rayonun hüquq-mühafizə orqanlarının rəhbərləri, şəhid valideynləri, qaziləri, YAP fəalları, ziyalılar, sakinlər və ictimaiyyət nümayəndələri böyük həvəslə iştirak ediblər.
Yerli iqlim şəraitinə uyğun 300-dən çox ağacı əkilib və əkilən ağaclara aqrotexniki qulluq göstərilib.
Tədbirdə çıxış edənlər bildiriblər ki, aksiyanın məqsədi Ulu Öndərin ölkəmizdə ekologiyanın qorunması və təbiətə qayğı ənənələrini davam etdirmək, həmçinin dahi rəhbər Heydər Əliyevin əziz xatirəsini yad etmək olub.
Qeyd edilib ki, əsası Ulu Öndər Heydər Əliyev tərəfindən qoyulmuş ekoloji siyasət Prezident İlham Əliyev tərəfindən uğurla davam etdirilir və ətraf mühitin mühafizəsi məsələsi ölkəmizin inkişaf strategiyasının tərkib hissəsidir.
Eyni zamanda vurğulanıb ki, Birinci vitse-prezident Mehriban xanım Əliyevanın ətraf mühitin sağlamlaşdırılması, ölkəmizin yaşıllıqlar diyarına çevrilməsi naminə gördüyü işlər xalqımız tərəfindən yüksək qiymətləndirilir.
Qeyd edək ki, rayonda ağacəkmə aksiyası bundan öncə də keçirilib.
