Boyukmillet.com Biz yanmasaq vətən yanar
ABŞ və onun “Amerika Qalxanı” alyansındakı Latın Amerikası müttəfiqləri regionda fəaliyyət göstərən 24 cinayətkar qrupa qarşı birgə tədbirlər görmək barədə razılığa gəlilbər.
Boyukmillet.com xəbər verir ki, məlumat ölkələrin nümayəndələrinin Nyu-Yorkda keçirilən görüşündən sonra yaydıqları birgə bəyanatda yer alıb. Dövlət Departamentinin yaydığı bəyanatda deyilir:
“Transmilli narkoterror təşkilatlarının yarımkürəmiz üçün dərhal və ortaq bir təhlükə yaratdığını, regional sülh və təhlükəsizliyi, eləcə də vətəndaşlarımızın təhlükəsizliyini və rifahını təhlükə altına qoyduğunu qəbul edərək, bu gün ilk birgə addımlarımızı elan edirik”.
Bu addımlara aktivlərin dondurulması, bu təşkilatların üzvlərinə və onların əlbirlərinə viza məhdudiyyətləri və onlara logistik dəstək göstərənlərin cinayət məsuliyyətinə cəlb edilməsi daxil olacaq.
24 qrupdan ibarət siyahıya, digərləri ilə yanaşı, Kolumbiya üsyançı qrupu “Milli Azadlıq Ordusu”, Peru solçu qrupu “Sendero Luminoso”, Braziliya cinayətkar qrupları “Birinci Paytaxt Komandanlığı” və “Qırmızı Komandanlıq”, eləcə də Meksika, Ekvador və El Salvadordan olan dəstələr və narkotik kartelləri daxildir.
“Amerika Qalxanı” ölkələri həmçinin iqtisadi əməkdaşlığın genişləndirilməsinin, o cümlədən vacib minerallar üçün etibarlı təchizat zəncirlərinin təmin edilməsi və kəşfiyyat məlumatlarının mübadiləsinin intensivləşdirilməsinin zəruriliyini bildiriblər.
