PA rəsmisi Azərbaycanda fəaliyyət göstərən gənclər təşkilatlarına çağırış edib

“Gənclər təşkilatları Azərbaycan reallıqlarını dünya ictimaiyyətinə çatdırılmasında fəal rol oynamalıdır”.

Boyukmillet.com-un xəbərinə görə, bunu Prezident Administrasiyasının Gənclər siyasəti və idman məsələləri şöbəsinin sektor müdiri Həmid Nəsibov Gənclər Təşkilatları Milli Şurasının XIX Hesabat-Seçki Qurultayında çıxışı zamanı deyib.

O xatırladıb ki, Azərbaycan Ordusu işğal altındakı torpaqlarımızı düşmən tapdağından azad etdi: “Bu, hər birimizin qələbəsidir. Hesab edirəm ki, gənclər təşkilatları Azərbaycan reallıqlarının dünya ictiamiyyətinin diqqətinə çatdırılması ilə bağlı fəaliyyətlərini davam etdirməlidir. Gənclər təşkilatları öz fəaliyyətlərində buna xüsusi diqqət göstərməlidir”.