Boyukmillet.com Biz yanmasaq vətən yanar
Əli Hacı: “Son illərdə İran Azərbaycanının şəhərlərində ana dilində təhsil, Urmiyə gölünün quruması ilə bağlı etirazlarda yüzlərlə azərbaycanlı gənc İran təhlükəsizlik qüvvələri tərəfindən saxlanılıb, həbs edilib, çoxlarına qarşı məhkəmə işləri açılıb”.
İranda 22 yaşlı Məhsa Əmininin polis nəzarətində ölümündən sonra rejim əleyhinə etiraz nümayişlərinin xeyli müddətdir davam etdiyi zaman ölkənin azərbaycanlıların yaşadığı bölgələrində insanlar öz tələblərini irəli sürərək aksiyalara qoşulur. Bu haqda məlumat verən Dünya Azərbaycanlıları Konqresi (DAK) Məclis üzvü və DAK Avropa Bölməsinin rəhbəri Əli Hacı bildirib ki, Güney Azərbaycanın Təbriz və digər şəhərlərdə universitet tələbələri etiraz aksiyaları keçirib, böyük ticarət mərkəzlərinin işçiləri tətil edirlər: “Azərbaycanlıların əsas tələblərinin ana dilində təhsil, Urmiyə gölündə yaranmış ekoloji vəziyyət və ictimai-siyasi hüquqların təmin edilməsidir. Çox təəssüf ki, bütün İran boyu müşahidə olunan represiyya Azərbaycan şəhərlərində daha ağır formada özünü göstərir”.
Soydaşlarımıza qarşı aparılan təzyiq və təqib kompaniyasından danışan DAK rəsmisi konkret faktlara toxunub: “Son illərdə İran Azərbaycanının şəhərlərində ana dilində təhsil, Urmiyə gölünün quruması ilə bağlı etirazlarda yüzlərlə azərbaycanlı gənc İran təhlükəsizlik qüvvələri tərəfindən saxlanılıb, həbs edilib, çoxlarına qarşı məhkəmə işləri açılıb. Amma indiki halda Güney Azərbaycan bölgələrində milli və siyasi fəalların həbs halları xüsusilə artıb.Yanvarın 4-də Ərdəbil şəhərinin Ümumi və İnqilab Prokurorluğunun 7-ci istintaq bölməsində Azərbaycan Milli Hərəkatının fəalı Feroz Moeininin dindirmə iclası keçirilib. Təbrizdə yaşayan milli fəal Əli Şadi yanvarın 4-də təhlükəsizlik məmurları tərəfindən həbs edilərək naməlum yerə aparılıb. 19 yaşlı Əli Aslani (İlkin) 2 il 6 ay azadlıqdan məhrum edilib. Gənc fəala qarşı “hökumətə qarşı təbliğat”, “ictimai asayişi pozmaq”, “rəhbəri və müqəddəsləri təhqir etmək” ittihamları irəli sürülüb. İranın Fars əyalətinin Şiraz şəhərində qaşqay türklərindən olan bəhai Yaşar Rasti təhlükəsizlik məmurları tərəfindən həbs edilib. Bundan öncə onun həyat yoldaşı Bərdiya Nəsiri və bacısı Ayda Rasti də həbs edilmişdi. Əslən Sarab şəhərindən olan türk dili müəllimi Məhəmmədcavad Tərbiyət Mirkuhi Tehran İnqilab Məhkəməsinin 15-ci bölməsi tərəfindən 5 ail həbs cəzasına məhkum olunub. Bu bizə bəlli olan faktlardır və yüzlərlə həbs fakt hələ də gizli saxlanılır”
