Cümə , 29 Mart 2024
Drone Cameras

Azərbaycanın baş konsulu Batumi Dövlət Universitetinin rektoru ilə görüşüb

Azərbaycanın Batumidəki baş konsulu Rəşad İsmayılovun Şota Rustaveli adına Batumi Dövlət Universitetinin rektoru Merab Xalvaşi ilə görüşü keçirilib.

Baş konsulluqdan Trend-ə verilən məlumata görə, professor M.Xalvaşi universitetin yaranmasından, fəaliyyətindən, mütəxəssis hazırlığından bəhs edib.

Səmimi qəbula görə rektora təşəkkür edən baş konsul Batumi Dövlət Universitetinin Gürcüstanın ən nüfuzlu, ənənələrə malik təhsil müəssisələrindən biri olduğunu söyləyib. Universitetlə bütün sahələrdə əməkdaşlığa hazır olduğunu deyən diplomat Azərbaycan universitetləri ilə tələbə mübadiləsinin hər iki tərəfə verəcəyi üstünlüklərdən söz açıb.

Baş konsul Batumi Dövlət Universitetində ümummilli liderin adını daşıyan “Heydər Əliyev – Azərbaycanşünaslıq Mərkəzi”nin,“Acarıstan-Naxçıvan Muxtar Respublikası” dostluq auditoriyasının, o cümlədən, Azərbaycan Memarlıq və İnşaat Universiteti ilə Batumi Dövlət Universiteti arasında Anlaşma Memorandumunun dərinləşən dostluğumuzun və təhsil əlaqələrimizin gözəl nümunəsi olduğu qeyd edib.

Check Also

Qırmızı dənizdəki vəziyyət Avropa-Cənubi Koreya yük daşımalarının qiymətini 40 faiz bahalaşdırıb

Qırmızı dənizdəki təhlükəsizliklə bağlı yaranmış vəziyyət Cənubi Koreyadan Avropaya və əksinə istiqamətdə dəniz yolu ilə …

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir