Şənbə , 10 Dekabr 2022
Home » Dünya » Azərbaycanın Xarkov şəhərindəki fəxri konsulu Ukraynanın yüksək dövlət ordeninə layiq görülüb

Azərbaycanın Xarkov şəhərindəki fəxri konsulu Ukraynanın yüksək dövlət ordeninə layiq görülüb

Ukrayna prezidenti Petro Poroşenkonun sərəncamına əsasən Ukraynada aqrar islahatların inkişafında yüksək xidmətləri olan bir qrup şəxs “Dövlətə Xidmət Ordeni” ilə təltif olunub.
“Report” xəbər verir ki, təltif olunanlar arasında Azərbaycanın Xarkov şəhərindəki fəxri konsulu Əfqan Salmanov Sumu Vilayətində həyata keçirilən aqrar islahatların və aqro sənaye komplekslərinin inkişafındakı səmərəli fəaliyyətinə görə 3-cü dərəcəli dövlətə xidmət ordeninə layiq görülüb.
Prezidentin sərancamında qeyd olunub ki, Sumı vilayətində aqrar sektorun inkişafındakı səmərəli fəaliyyətinə görə, Əfqan Fəqan oğlu Salmanov 3-cü dərəcəli dövlətə xidmət ordeni ilə təltif edilsin.
Qeyd edək ki ,1992-ci ildən Ukraynada yaşayan Əfqan Salmanov Sumı vilayətində aqrosənaye kompleksi yaradıb. O, Ukrayna Beynəlxalq Reytinq Akademiyasının Ali Şurasının qərarına əsasən 2010-cu idə Sumı Vilayəti, 2013-cü ildə isə Ukrayna üzrə “nüfuzlu aqrar işçisi-ilin adamı” nominasiyasına layiq görülüb. Ə.Salmanov 5-ci və 6-cı çağırış Sumı Vilayət Şurasının deputatı seçilib.
Əfqan Salmanov 2014-cü ildə Prezident İlham Əliyevin sərəncamına əsasən Azərbaycanın Xarkov şəhərindəki fəxri konsulu təyin olunub.

Check Also

Regionda təxribata əl atan ölkə qarşısında Türkiyə-Azərbaycan Vahid Ordusunu görəcək! – ŞƏRH

Azərbaycan Türkiyənin bütün sahələrdə olduğu kimi hərbi sahədə də tərəfdaşıdır. İndiyədək iki ölkə arasında hərbi …