Cümə axşamı , 28 Mart 2024
Drone Cameras

Azərbaycanda ŞOK: Fətullah Gülənin KTN-dəki adamı Beyləqanı qarışdırır…

Aqrar sektorun dinamik inkişafı, ərzaq təhlükəsizliyinin təminatı dövlətin prioritet kimi qarşıya qoyduğu vəzifələrdəndir. Həyata keçirilən aqrar islahatlar, dövlət dəstəyinin əhəmiyyətli dərəcədə gücləndirilməsi, yeni çağırışlara uyğun strateji hədəflərin müəyyənləşdirilməsi kənd təsərrüfatında mühüm kəmiyyət və keyfiyyət dəyişikliklərinə, eləcə də bu sahəyə inamın artmasına, fəallığın yüksəlməsinə səbəb olmuşdur. Bu sahədə qarşıya qoyulan məqsədlərə nail olmaq üçün ölkədə peşəkarlara, sahənin bilicilərinə böyük ehtiyac var. Ələlxüsus da rəhbər vəzifələrə kadr seçimində diqqətli olmaq lazımdır. Kadr məsələsini yerlibazlığa, qohumbazlığa, korruptiv əlaqələrə qurban vermək olmaz. Strateji əhəmiyyəti olan vəzifələrə siyasi orientasiyası şübhəli olan şəxslərin gətirilməsi isə dövlətçiliyin əsaslarına zərbə vurmaq deməkdir.

“Azəraqrar Dövlət İstehsalat və Emal Birliyi” MMC-nin Aran Regional İdarəsinə yenicə direktor vəzifəsinə təyin olunmuş Hikmət Ağayevin AXCP –nın lideri Əli Kərimlinin yaxın qohumu olduğu bildirilir. Etibarlı mənbədənverilən Boyukmillet.com-un məlumata görə, o, əvvəllər maşın alveri ilə məşğul olub. Bildirilir ki, MMC-nin rəhbəri Anar Hüseynovun Hikmət Ağayevə maşın borcu olur və borcun müqabilində ona vəzifə peşkəş edir.m sonda vəzifəylə əvəzlənir. Yəni, Anar Hüseynov Hikmət Ağayevi Beyləqanda əvvələr “Dostluq” Damazlıq Birliyi Sovxozu kimi tanınan, bu günkü KTN “Azəraqrar Dövlət İstehsalat və Emal Birliyi” MMC-nin Aran Regional İdarəsinə direktor təyin edir.

Boyukmillet.com xatırladır ki, Anar Hüseynov da “süddən çıxan ağ qaşıq” deyil və adı bu günə qədər müxtəlif qalmaqallarda hallanan “Azəraqrar Dövlət İstehsalat və Emal Birliyi” MMC sədri postunu tutan Anar Hüseynov dünənə qədər məhz Azərbaycanda FETÖ yandaşlarından biri kimi tanınıb. Qeyd edək ki, bununla bağlı yerli KİV-də yetərincə məlumat yayılıb.
Boyukmillet.com isə xəbər verir ki, idarəçilik anlayışının nə olduğunu bilməyən, dənli və paxlalı bitkiləri bir-birindən ayırd etməyi bacarmayan biri kimi xarakterizə olunan, üstəgəl, siyasi orientasiyası şübhəli olan bir avtomobil alverçisinin hazırda böyük ümidlər bəslənilən, perspektiv gözlənilən aqrar sektorda belə bir mühüm vəzifəyə gətirilməsi əmrinin verildiyi elə ilk andan birmənalı qarşılanmamışdı. Tezliklə bu şübhələr özünü doğrultdu – Anar Hüseynovun sevimlisi olan Hikmət Ağayevdə direktor vəzifəsinin icrasına başladığı elə ilk gündən torpaq alverinə start verdi.

Sakinlərin narazılığına səbəb isə uzun illər istifadələrində olan torpaqların əllərindən alınaraq kənar şəxslərə hektarı 300 manatdan satılması zəhmətkeş kənd camaatının ciddi etirazına səbəb olmuşdur. Narazı sakinlər bildirirlər ki, Hikmət Ağayev və keçmiş Dostluq Damazlıq Birliyi Sovxozunun iqtisadçısı Oruc Ağayev başqa-başqa şəxslərdən pul alaraq torpaqları onların istifadəsinə veriblər. Məlumatlar sırasında o da yer alır ki, hərəsinin qiyməti 50 manat olan 165 baş ölüvay, qoca sovxoz qoyunlarını özünəməşğulluq proqramı çərçivəsində həyata keçirilən tədbirlər adı ilə bir başını 250 manata rəsmiləşdirərək, Əmək və Əhalinin Sosial Müdafiəsi Nazirliyinin (ƏƏSMN) Məşğulluq Mərkəzinə satmış, əhaliyə sırımışlar. Aydındır ki, dövlətin məqsədi vətəndaşı özünü maddi baxımdan təmin edəcək ailə təsərrüfatına sahib etməkdir. Layihə bu şəkildə icra ediləcəksə, özünüməşğulluq proqramının məqsədinə çatması real olmayacaq.

Sovxoz dönəmindən dolanışıqlarını torpağı əkib-becərməklə təmin edən, kənd təsərrüfatı məhsulları bazarında bolluğun yaranmasına töhfə verən sakinlər bu qənaətdədirlər ki, Hikmət Ağayev siyasi sifariş yerinə yetirərək bilərəkdən belə bir narazılıqlar yaradır. Məqsədi əhali arasında dövlətə qarşı kütləvi narazılıqdan dolayı ixtişaş yaratmaqdır. Sakinlər bildirirlər ki, onlar Hikmət Ağaevin məqsədinin reallaşmasına imkan verməyəcəklər ki, dövlətimiz sarsılsın

Check Also

Qırmızı dənizdəki vəziyyət Avropa-Cənubi Koreya yük daşımalarının qiymətini 40 faiz bahalaşdırıb

Qırmızı dənizdəki təhlükəsizliklə bağlı yaranmış vəziyyət Cənubi Koreyadan Avropaya və əksinə istiqamətdə dəniz yolu ilə …

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir