Çərşənbə , 28 İyul 2021
Home » Dünya » “BakıBus”un xidmət rəhbərinin siyasi səhvi… – İddia + FOTOFAKT

“BakıBus”un xidmət rəhbərinin siyasi səhvi… – İddia + FOTOFAKT

Özəl və ya dövlətə məxsusluğundan asılı olmayaraq, hər müəssisə çalışır ki, öz məhsullarını, xidmətlərini reklam etsin. Reklam və piar müasir dünyamızda mal və məhsulları daha çox satmaq üçün ən effektiv yollar hesab olunur. Əlbəttə, təqdim-təbliğ etdiyin mal və xidmətin keyfiyyəti də öz yerində…

Azərbaycanda da həm özəl, həm dövlət müəssisələri reklam və piar işlərinə diqqət yetirirlər. Bu məqsədlə müxtəlif reklam çarxları, posterlər, nəşrlər və sair hazırlanır, müxtəlif vasitələrlə yayımlanır. Və bu proseslərdə, adətən, reklamı gedən müəssisənin kollektivi, xüsusilə də reklam və piar işinə məsul şəxsləri aktiv iştirak edirlər.

Boyukmillet.com xəbər verir ki, bu baxımdan, “BakıBus” MMC-nin İctimaiyyətlə əlaqələr xidmətinin rəhbəri olan Mansur Piriyevin Feysbuk hesabında paylaşdığı 2 foto diqqətimizi cəlb etdi. Fotolar “Bakı 70-ci illər və indi…” başlığı altında paylaşılıb. 

Və onların birində qapılarından çoxlu sayda insan sallaşan köhnə Bakının sərnişin avtobusları, birində isə BakıBusa məxsus yeni avtobuslar əks olunub…

MMC rəsmisinin çalışdığı müəssisənin məhsulunu-xidmətini reklam etmək istəyi anlaşılan olardı, əgər bu reklamla digər məhsulu pisləməsəydi. Belə ki, Piriyevin mənfi çalarla qeyd etdiyi 70-ci illər Azərbaycan tarixində iqtisadi yüksəliş, hər sahədə böyük irəliləyişlərin əldə olunduğu dövrlərdən biri hesab olunur. Azərbaycana həmin vaxtlar mərhum prezident Heydər Əliyev rəhbərlik edib. 

O illərdə Bakıda avtobus yeganə nəqliyyat vasitəsi olmayıb – metro, trolleybus və tramvay kimi alternativ nəqliyyat vasitələri də sərnişinlərə xidmət göstərib.

BakıBus dövlətin hərtərəfli dəstəyi, qayğısı ilə əhatə olunmuş azsaylı müəssisələrdən biridir. Çox geniş spektrli və miqyaslı dəstəklə əhaliyə keyfiyyətsiz xidmət göstərmək dövlətə xəyanətə bərabər olardı. MMC rəsmilərinin geniş reklam təbliğatlarında əksini tapan məsələlərin çoxuna məhz dövlət dəstəyi sayəsində nail olunub.

Onu da qeyd edək ki, Azərbaycanın “Reklam haqqında” qanunvericiliyinə görə, hansısa məhsul və xidməti digərini pisləməklə reklam etmək qadağandır. Hörmətli Mansur Piriyevin ən azı bunu bilməsi gərəkirdi…(Musavat.com)

Yeri gəlmişkən, Mia.az xəbər verir ki, qeyd ediən paylaşımdan sonra “Yeni Musavatın baş redaktorunun birinci müavini Azər Ayxan Mais Piriyevin statusuna yazıda vurğulan eyhamları şərh formasında çatdırıb. Lakin xidmət rəhbəri bununla razılaşmayıb və belə bir məqsədi əsla güdmədiyini qeyd edib.

Check Also

Ermənistan BMT Təhlükəsizlik Şurasına müraciət edə bilər

Ermənistan sərhəddəki vəziyyətlə bağlı BMT Təhlükəsizlik Şurasına müraciət edə bilər.  Boyukmillet.com xəbər verir ki, bu …