Futbol

İngiltərədə yerli “Tottenhem” və “Qarabağ” komandaları arasında keçiriləcək UEFA Avropa Liqasının Liqa mərhələsinin I turunun oyunu üçün azərbaycanlı azarkeşlər indiyək 500-dən çox bilet alıblar. Bu barədə “Report”a Ağdam təmsilçisinin mətbuat xidmətinin rəhbəri Anar Hacıyev məlumat verib. Onun sözlərinə görə, matça iki gün qaldığı üçün sayın daha da artacağı gözlənilir. “Köhlən atlar” bu gün, saat 17:00-da çarter reysi ilə Londona yola düşəcək. …

AFFA-nın Klubların Lisenziyalaşdırılması Departamentinin direktoru Elçin Məmmədov UEFA tərəfindən təyinat alıb. Boyukmillet.com xəbər verir ki, O, UEFA Avropa Liqasının I turu çərçivəsində keçiriləcək “Fənərbağça” (Türkiyə) – “Yunion” (Belçika) oyununun UEFA Matç direktoru (UEFA Venue Director) olacaq. Qeyd edək ki, qarşılaşma sentyabrın 26-da İstanbulda yerləşən “Şükrü Saracoğlu” stadionunda baş tutacaq.

14-15 sentyabrda ağırlıqqaldırma üzrə gənclər arasında ölkə birinciliyi və böyüklər arasında Azərbaycan çempionatı keçiriləcək. Azərbaycan Ağırlıqqaldırma Federasiyasının (AAF) mətbuat xidmətindən “Report”a verilən məlumata görə, turnir Şüvəlan qəsəbəsində yerləşən Ağırlıqqaldırma Mərkəzində təşkil ediləcək. Gənclər və İdman Nazirliyi ilə AAF-nin birgə təşkil etdiyi yarışda ölkənin bütün bölgələrindən 100-ə yaxın atlet qüvvəsini sınayacaq. Çempionatın təşkilində məqsəd ağırlıqqaldırma idman növünün şəhər, rayon, qəsəbə və kəndlərdə …

Türkiyə millisinin sabiq basketbolçusu İlkan Karaman vəfat edib. Boyukmillet.com xəbər verir ki, 34 yaşlı idmançı avtomobil vurması nəticəsində dünyasını dəyişib. Qeyd edək ki, karyerası ərzində “Fənərbağça”, “Beşiktaş” kimi klubların şərəfini qoruyan Karaman son mövsümü “Çayırova Belediye”sinin heyətində keçirib. O, 2013-cü ildə ilk dəfə Türkiyənin əsas millisinin formasını geyinib.

Fransanın paytaxtı Parisdə təşkil olunan Yay Paralimpiya Oyunlarında 100 metr məsafəyə qaçışda çempion olan Azərbaycanın paraatleti Lamiyə Vəliyeva (T13 kateqoriyası) bu gün növbəti medalını qazana bilər. Boyukmillet.com xəbər verir ki, idmançı bu dəfə 400 metr məsafədə bacarığını göstərəcək. Paraatletikada final yarışları Bakı vaxtı ilə saat 12:21-də başlayacaq. Bu gün Azərbaycanın daha beş təmsilçisi turnirdə çıxış edəcək. Digər paraatlet Orxan Aslanov …

AFFA prezidenti Rövşən Nəcəflə Gürcüstan Futbol Federasiyasının (GFF) prezidenti Levan Kobiaşvili arasında görüş keçirilib. Boyukmillet.com xəbər verir ki, AFFA və GFF arasında qarşılıqlı əməkdaşlıqla bağlı fikir mübadiləsi aparılıb. Tərəflər əməkdaşlığın gələcəkdə hər iki ölkədə futbolun inkişafına fayda verəcəyinə əminliklərini ifadə ediblər.

İngiltərənin Peşəkar Futbolçular Assosiasiyası (PFA) 2023/2024 mövsümünün yaxşı oyunçusu adına namizədləri açıqlayıb. Boyukmillet.com xəbər verir ki, siyahıda altı futbolçu yer alıb. Bunlar Erlinq Holann, Rodri, Fil Foden (hər üçün “Mançester Siti”), Martin Edeqor “Arsenal”, Koul Palmer (“Çelsi”) və Olli Uotkinsdir (“Aston Villa”). Qalib qurumun üzvləri arasında keçirilən səsvermənin nəticələrinə əsasən müəyyənləşəcək və avqustun 20-də açıqlanacaq. Qeyd edək ki, 2022/2023 mövsümündə …

“Qarabağ”ın baş direktoru Emrah Çelikel və İdarə Heyətinin üzvü Asif Əsgərov Suraxanı Rayon İcra Hakimiyyətinin yeni başçısı Adil Əliyevlə görüşüblər. Ağdam təmsilçisinin mətbuat xidmətindən “Report”a verilən məlumata görə, görüş İcra Hakimiyyətinin binasında baş tutub. “Köhlən atlar”ın davamlı uğurlarından bəhs edən A.Əliyev “Qarabağ”ın oyunlarını maraqla izlədiyini və göstərdiyi futboldan zövq aldığını bildirib. İcra başçısı vurğulayıb ki, iş qrafiki imkan verdikcə “Qarabağ”ın görüşlərində …

Azərbaycan millisinin futbolçusu Ozan Can Kökçü karyerasını Finlandiyada davam etdirəcək. Boyukmillet.com xəbər verir ki, Niderlan təmsilçisi “Eyndhoven”dən ayrılan 25 yaşlı yarımmüdafiəçi HİK-ə keçib. O, Helsinki klubu ilə 2,5 illik müqavilə imzalayıb. Qeyd edək ki, Ozan Can Kökçü 2022-ci ildən “Eyndhoven”in formasını geyinib.

Azərbaycanın beynəlxalq dərəcəli hakim-inspektoru Asim Xudiyev UEFA-dan növbəti təyinat alıb. Boyukmillet.com xəbər verir ki, bu barədə AFFA-nın mətbuat xidməti məlumat yayıb. A.Xudiyev, UEFA Konfrans Liqasının II təsnifat mərhələsinin ilk oyunları çərçivəsində “Sürix” (İsveçrə) – “Şelburn” (İrlandiya) görüşünün hakim-inspektoru olacaq. Sürix şəhərində yerləşən “Letsiqrund” stadionunda baş tutacaq qarşılaşmanı kosovolu baş hakim Visar Kastrati idarə edəcək. Qeyd edək ki, görüş iyulun 25-də keçiriləcək.